துணை மரம் சந்தனத்திற்க்கு நிழல் தராதவாறு இடைவெளியை கூடுதலாக கொடுக்கவும். இடைவெளி அதிகமாக இருந்தாலும் ஓரிரு ஆண்டுகளில் சந்தன மரத்தின் வேர்கள் அதன் மரக்குடையை தாண்டி சென்று துணை மரத்தின் வேர்களை எட்டி பிடிக்கும் தன்மை கொண்டது. மானாவாரியாக வளர்க்கும் பட்சத்தில் அதற்ககு தக்க துணை மரத்தை தேர்வு செய்யலாம்.

  பொதுவாக சந்தனம் எல்லா தாவர வேர்களில் இருந்தும் சத்தை உறிஞ்ச முயற்சி செய்யும், அதனால் இயற்கையாக முளைக்கும் வேம்பு முதலிய மரங்களை வேருடன் பிடுங்க வேண்டாம். சநதனத்திற்கு நிழல் தராதவாறு கவாத்து செய்து கொள்ளவும். ஆனால் மரத்தின் தன்மைக்கு ஏற்ப சத்தை வழங்கும் அளவு மாறுபடும். உதாரணமாக வேம்பு மரம் நல்ல துணை செடி அல்ல, அது குறைந்த அளவே சத்தை பகிரும், அதே சமயத்தில் வேம்புடன் ஒட்டி இருக்கும் சந்தன மரங்கள் எதிர்ப்பு திறன் அதிகம் கொண்டதாக உள்ளது. ஆனால் கொடுக்காப்புளி நைட்ரஜனை நிலை நிறுத்தும் தன்மை கொண்டதால் அதிக அளவு சத்தை பகிரும். அதனால் பல வகையான மரங்கள் கலந்து இருப்பது நல்லது.